"Sizlarning timsolingizda Yangi O‘zbekiston yoshlari mana shunday aql va tafakkur bellashuvlarida qanday baland marralarni egallashga qodir ekanini ko‘rib, qalblarimiz faxr-iftixor tuyg‘ulariga to‘lmoqda,"- Shavkat Mirziyoyev
Budapesht shahrida bo‘lib o‘tgan shaxmat olimpiadasida faxrli o‘rinni egallab, o‘zbek shaxmati tarixida yana bir yorqin sahifa ochgan qahramonlarimiz bugun vatanga qaytdi. Shaxmatchilarimizni tantanali kutib olish marosimida davlatimiz rahbarining tabrigi o‘qib eshittirildi.
Shuningdek, bronza medalini qo‘lga kiritgan yigitlarimizga Prezident sovg‘asi BYD Chazor avtomobillari va pul mukofotlari topshirildi.